Бокс бўйича Ўзбекистон U-17 терма жамоаси энг кўп финалчи билан финалга етиб келди

Ўсмирлар (U17) тоифасидаги баҳсларда Ўзбекистон терма жамоасининг 16 нафар вакили (6 нафар қиз ва 10 нафар йигит) финал йўлланмасини қўлга киритди.

Шубҳасиз, бу иштирокчи давлатлар орасидаги энг юқори натижа бўлди. Бу кўрсаткич бўйича Қозоғистон терма жамоаси 11 нафар финалчи билан иккинчи ўринни эгаллаган бўлса, кучли учликни 9 нафар финалчига эга Ҳиндистон терма жамоаси якунлаб турибди.

Қуйида қайси давлатдан неча нафар боксчи финалда иштирок этишини билиб олишингиз мумкин.

Ўзбекистон — 16
Қозоғистон — 11
Ҳиндистон — 9
Хитой - 4
Эрон — 3
Япония - 2
Тожикистон - 2
Ветнам - 1
Туркманистон - 1
Мўғилистон - 1
Баҳрайн - 1
Иордания - 1

Эслатиб ўтамиз, кичик ўсмирлар (U15) тоифасида ҳам 21 нафар боксчимиз финал йўлланмасини қўлга киритиб, энг юқори натижани қайд этган эди.

Бугун мусобақада дам олиш куни. Эртага U15, 15 май куни эса U17 ёш тоифаларида финал жанглари бўлиб ўтади.