Бокс. Бугун Бекободда Ўзбекистон чемпионати бошланади

Ўзбекистон Маданият ва спорт ишлари вазирлиги ҳамда мамлакат бокс федерацияси ҳамкорлигида ўтказилаётган йилнинг сўнгги нуфузли мусобақаси 10та вазн тоифасида ташкил этилади.

Унда Қорақалпоғистон Республикаси, барча вилоятлар ҳамда Тошкент шаҳрида истеъдодли ва шу билан бирга тажрибали боксчилар рингга кўтарилишади.

24-30 ноябрь кунлари оралиғида бўлиб ўтадиган жорий йилги якуний мусобақада Бразилия мезбонлик қилган Рио Олимпиадасининг ғолиб ва совриндорлари ҳам иштирок этишади.