04 авг 10:14
Янгиликлар

Бокс/ММА

Бокс. Каспийскдаги мусобақада 8 та медалга сазовор бўлдик

Теглар : Бокс

Россия Федерацияси, Доғистон Республикаси, Каспийск шаҳрида бокс бўйича жамоат арбоби Магомед-Салам Умаханов хотирасига бағишланган халқаро турнир ниҳоясига етди.

29 июль куни старт олган мусобақада жаҳоннинг турли мамлакатларидан ташриф буюрган боксчилар совринли ўринлар учун кураш олиб боришди. Улар қаторида ўзбекистонлик чарм қўлқоп усталари ҳам баҳсларда иштирок этишди. Турнир якунига кўра, баҳсларда қатнашган боксчиларимизнинг 8 нафари шоҳсупага кўтарилди.

Мусобақада совриндор бўлган ўзбекистонлик спортчилар рўйхати:

Олтин:

-52 кг: Аброр Қодиров

-56 кг: Абдулҳай Шораҳматов

Кумуш:

-60 кг: Отабек Холматов

-69 кг: Билолбек Мирзараҳимов

-75 кг: Саиджамшид Жафаров

Бронза:

-52 кг: Шаҳобиддин Зоиров

-75 кг: Акмурад Гаффаров

+91 кг: Лазизбек Муллажонов.