Бокс. Россия ҳам Қозоғистон каби ҳакамлар устидан арз қилмоқчи

Бу ҳақида федерация бош котиби Умар Кремлёв айтиб ўтди.

"Биз Сергей Собилинскийнинг жангидаги ҳакамликка арз қилдик. AIBAдагилар жанг натижасини ўзгартира олмасликларини маълум қилдилар. Лекин, кеча Қозоғистон терма жамоаси билан бошқача ҳолат содир бўлди", - дейди у.

Маълумот учун, Соблинский -69 кг вазн тоифасида жанг қилган ва АҚШ вакилига имкониятни бой бериб қўйганди. Жанг вақтида унинг қоши ёрилиб кетгани сабаб, тўқнашув тўхтатилганди.

Эслатиб ўтамиз, бунгача Қозоғистон терма жамоаси боксчиси Аблайхан Жуссуповнинг италиялик рақибга қарши бўлиб ўтган жангида қуйидагича ҳолат кузатилганди: Жанг якунланишига оз вақт қолганида қозоғистонлик боксчининг юзидан қон оқа бошлади ва жанг тўхтатилди. Ғалаба эса италиялик боксчига берилди. Аммо, кейин Жуссуповни текшириб кўришди ва у жанги давом эттира олиши маълум қилинди. Ўша вақтда боксчи очколар ҳисобига кўра ғалаба қозонаётгани сабаб, ғалабани ўз томонига оғдириб олганди.