03 апр 12:16
Янгиликлар
Бокс/ММА
Бокс терма жамоамиз Осиё чемпионатида яна икки йўқотишга учради
Бугун Мўғулистон пойтахти Улан-Батор шаҳрида бокс бўйича катталар ўртасидаги Осиё чемпионатининг бешинчи кунги баҳслари ўтказилмоқда.
Кундузги дастур доирасида Ўзбекистон терма жамоасининг икки вакиласи — Гулвесар Ғаниева (51 кг) ва Муштарийбону Иброҳимжонова (60 кг) рингга кўтарилди.
Хитой шарафини ҳимоя қилувчи Ю Вуга қарши баҳс олиб борган Гулсевар Ғаниева ҳам, мўғулистонлик Намун Мўнхўр билан тўқнаш келган Муштарийбону Иброҳимжонова ҳам ўз жангларида очколар ҳисобига кўра рақибаларига имкониятни бой беришди ва ярим финал йўлланмасидан қуруқ қолишди.
Бироздан сўнг яна бир чарм қўлқоп устамиз Шаҳзод Музаффаров Қозоғистон терма жамоаси аъзоси Махмуд Сабирхан билан тўқнаш келади. Чорак финал доирасидаги ушбу жанг бизнинг вақт билан соат 15:00 да ўтказилиши белгиланган.
Ҳавола :
Манба : olamsport.com
Фикрлар