Боксчи Фируза Шарипова кутилмаганда фаолиятини якунлашга қарор қилди

"Ҳурматли дўстлар! Мен спортчилик фаолиятимни якунлашга қарор қилдим. Ажойиб ишлар учун мураббий, менежер ва жамоамга миннатдорчилик билдираман. Биз биргаликда Қозоғистоннинг бир қанча рекордларини ўрнатдик. Қозоғистонда биздан ташқари бунчалик қисқа муддатда хеч ким профессионал боксда бундай натижаларга эришмаган. 

Афсуски, биз профессионал боксдаги энг асосий совринга бир қадам қолганида тугатдик. Биз 2018 йилда Қозоғистон учун WBC совринини қўлга киритишга тайёр эдик. Бизга ушбу жангни молиялаштириш бўйича бир неча ваъдалар бўлди, аммо барибир пул ажратилмади. 

Икки йил давомида формамни ушлаб турдим. Энди кутишдан чарчадим. Формани юқори савияда ушлаб туриш учун катта меҳнат ва албатта маблағ талаб этилади. Афсуски, натижа учун мен истиқболни кўрмаяпман. Умидлантирувчи ваъдалар бу орада бўлди, аммо улар ваъдалигича қолиб кетди. Вақт ўтиб бормоқда, мен уни кутишга сарфламоқчи эмасман. 

Йиллар давомида мени қўллаб-қувватлаб турган мухлисларга раҳмат. Сизларни хурсанд қила олмаганим учун кечиринг. Имкон даражасида ҳаракат қилдим, аммо барчаси ҳам менга боғлиқ эмас", - деб хабар қолдирди Шарипова Инстаграмдаги саҳифасида.