14 фев 18:23
Янгиликлар

Бокс/ММА

Боксчилар тарозига чиқишди, Москвадан қайноқ суратлар

Хабар берганимиздек, эртага профессионал боксда фаолиятини муваффақиятли давом эттираётган Шоҳжаҳон Эргашев навбатдаги жангини ўтказади.

Унинг рақиби грузиялик боксчи Рубен Мовсисян бўлади. Ҳозиргина боксчилар Москвадаги “Корстон Арена”да тарозидан ўтиш маросимида иштирок этишди.

Шоҳжаҳон роппа-роса 64, Мовсисян эса 64,3 кг тош босди. Эртанги жанг 10 раундга мўлжалланган.

21 февраль куни 26 ёшга тўладиган Рубен анча тажрибали боксчи ҳисобланади. У 23та жангда зафар қучган. Шулардан 16та жангини нокаут билан якунлаган. Мағлубиятлар сони 16та, дуранг эса биттани ташкил этади.

Эртанги жанг Шоҳжаҳон учун фаолиятидаги саккизинчиси бўлади. Эргашев бундан аввал ўтказган барча жангларида рақибларини муддатидан аввал нокаут эвазига мағлубиятга учратган.