Боксчиларимиз кичик жаҳон чемпионатида 8 та медаль қўлга киритишди

Ўз тарихида етмиш олтинчи маротаба ташкил этилган ушбу кичик жаҳон чемпионатига тенглаштирилган мусобақада Ўзбекистон эркаклар терма жамоаси ҳам иштирок этди. Якунда боксчиларимиз 5 та олтин, 1 та кумуш, 2 та бронза медали билан умумжамоа ҳисобида иккинчи ўринни эгаллашди. Биз каби 5 та олтин медалга эга чиққан Қозоғистон терма жамоаси кумуш медаллари сони бўйичагина биринчи ўринни банд этди. 

Таққослаш учун, “Strandja” турнирида Қозоғистон терма жамоаси 26, Ўзбекистон эса 17 нафар нафар боксчи билан иштирок этди. Олимпиада чемпионлари Асадхўжа Мўйдинхўжаев жароҳати, Абдумалик Халоковнинг эса проф боксдаги жанги сабаб София турнирида қатнашмади. Бу ҳам якуний натижага таъсир ўтказди.

Ғолиб ва совриндор боксчиларимиз:

Олтин медаллар:

-54 кг: Шаҳзод Музаффаров

-57 кг: Хўжаназар Нортожиев

-80 кг: Фазлиддин Эркинбоев

-92 кг: Тўрабек Хабибуллаев

+92 кг: Жаҳонгир Зокиров

Кумуш медаль:

-48 кг: Беҳруз Холдоров

Бронза медаллар:

-51 кг: Асилбек Жалилов

-75 кг: Жавоҳир Умматалиев