07 авг 02:03
Янгиликлар
Бокс/ММА, Токио-2020
Боксчимиз Хуршид Тожибоев иштирокини ғалаба билан бошлади
Рио Олимпиадасининг бокс мусобақалари бошланди ва қизғин суратда давом этмоқда.
Ҳозиргина Олимпиадада тўлиқ таркибда иштирок этаётган чарм қўлқоп усталаримизнинг иштирокини -60 кг вазн тоифасидаги боксчимиз Хуршид Тожибоев бошлаб берди.
Ҳамюртимиз илк жангида асли келиб чиқиши туркиялик, лекин Олимпиадада Қатар шарафини ҳимоя қилаётган Хакан Эрескерга қарши рингга кўтарилди. Уч раунд давом этган жангда Хуршид яққол устунлик (3:0) билан рақибини мағлубиятга учратиб, кейинги босқичга йўл олди.
Эслатиб ўтамиз, Хуршид Тожибоев Рио-2016 йўлланмасини AIBAнинг янги йўналиши хисобланган APB турнирида ғалаба қозонган ҳолда қўлга киритган эди.
Ҳавола :
Манба : olamsport.com
Фикрлар