23 июн 15:03
Янгиликлар

Бокс/ММА

Боксчимизни ҳакамлар ёрдамида мағлуб этган Постол бугун камар учун жанг ўтказади

Бугун Шотландиянинг Глазго шаҳрида профессионал бокс кечаси ўтказилади.

Оқшомнинг марказий жангида биринчи ярим ўрта вазн тоифасида собиқ жаҳон чемпиони Виктор Постол (29-1, 12КО) шотландиялик 27 ёшли Жош Тейлор (12-0, 11КО)га қарши рингга кўтарилади.

Жанг 63,5 кг вазн тоифасида ўтказилиб, ғолиб боксчи WBC Silver чемпионлик камари соҳибига айланади. Иккала боксчи ҳам вазн ўлчаш маросимида бир хил 63,3 кг тош босишди.

Эътиборлиси, ўтган йили украиналик 34 ёшли Постол Киев шаҳрида ҳамюртимиз Жамшид Нажмиддиновга қарши жанг ўтказган эди. Ўша жангда Постол икки бор (бирида чуқур) нокдаун ҳолатига тушиб қолган бўлса-да, якунда ҳакамлар ғалабани мезбон боксчига тақдим этишганди.