Бошқа исм-шариф билан рингга чиқиб келган боксчи жангдан сўнг вафот этди

Ушбу профессионал бокс оқшоми фожеа билан якунланди. Ардит Муржа болгариялик Исус Величковга қарши рингга кўтарилди. Жангнинг биринчи раундидаёқ Исус нокаутга учради. Ўтказиб юборилган зарбадан сўнг боксчи қайтиб ўрнидан турмади ва вафот этди. 

Кейинчалик маълум бўлишича, Исус Величков вафот этмаган экан, вафот этган боксчи эса унинг амакиваччаси Борис Станчев бўлиб чиқди. Яъни, у исм-шарифини ўзгартирган ҳолда жангларда иштирок этиб келган.