"Бошқа йўлни танлайман". Хабиб рақибларига жароҳат етказмасликка ҳаракат қилганини айтди

"Мен Майкл Жонсон билан жанг вақтида у даражам эмаслигини тушунганман. Унга маслаҳат бергандим: "Биласанми, жанг қандай тугайди? Сабмишен билан". Мен унинг қўлини ушлаб олганимда ҳақиқатдан ҳам синдиришим мумкин эди. Аммо буни қилмадим. Унга таслим бўлиши кераклигини айтдим. У таслим бўлди ва барчаси тугади. Барча омон қолди. Чунки бу спортдаги мақсадим - одамларга жароҳат етказмаслик. Айнан шу нарсасиз чемпион бўлишни истагандим. Баъзида зарба беришга ҳам тўғри келган, чунки бу шундай спорт. Лекин имкониятим бўлса, нима учун жароҳат етказишим керак? Мен бошқа йўлни танлайман", - деди Хабиб Нурмагомедов.