Ботир Аҳмедов: "Рақибим алдади, мен унинг жигарига ургандим"

Аҳмедов кеча Россиянинг Сочи шаҳрида ташкил этилган профессионал бокс кечасида бошқа бир ўзбек боксчиси Муҳаммадсалим Сотволдиевни муддатидан олдин мағлубиятга учратган эди.

"Жанг ғалаба билан якунланганидан хурсандман. Рақибим бироз алдади, албатта - унинг қўли жароҳат олмаган эди, мен унинг жигарига урдим. Кўп томошабинлар уни қўллаб-қувватлаётгани мени ҳайратда қолдирди, эҳтимол бу ҳам унинг жангига таъсир қилгандир - у жанг бошида озгина ҳис-туйғуларга берилиб кетди. 

Мағлубиятни енгиб, ғалабали йўлга қайтганимдан хурсандман. Худо хоҳласа, бу қайтиш камар учун курашгача давом этади. Чемпионликни қўлга киритганимдан кейин ҳам уни бир неча маротаба ҳимоя қиламан", - деди Аҳмедов.