Боёвутда белида белбоғи бор кучли полвонлар аниқланди

Болалар-ўсмирлар спорт мактабида ўтган мусобақада 2005-2006 йилларда туғилган ўғил болалар ва қизлар гиламга чиқишди.

Ўзбекистон Республикаси Жисмоний тарбия ва спорт вазирлиги ҳамда Ўзбекистон миллий белбоғли кураш федерациясининг йиллик тақвим-режасидан ўрин олган мазкур кубок баҳсларида Қорақалпоғистон Республикаси, Тошкент шаҳри ва вилоятлардан 250 нафардан зиёд спортчилар иштирок этишди. 

Мусобақада ўғил болалар эркин ва классик йўналишларда 11 вазн, қизлар эркин йўналишда 7 та вазн тоифасида ғолиб учун баҳс олиб боришди. Икки кун давом этган муросасиз беллашувларнинг якуний натижаларига кўра қуйидаги полвонлар шохсупанинг энг юқори поғонасидан жой олишди.  

Ўғил болалар (классик йўналиш): 

27 кг. Ахрорбек Ғофиржонов (Наманган)

30 кг. Насибжон Турсунов (Андижон)

33 кг. Ҳабибжон Абдурашидов (Сирдарё)

36 кг. Муҳаммадюсуф Муҳаммадуллаев (Андижон)

40 кг. Асилбек Тожибоев (Сирдарё)

44 кг. Ҳасанбой Адҳамжонов (Андижон)

48 кг. Асадбек Мамажонов (Андижон)

52 кг. Сардор Жумабоев (Тошкент в.)

55 кг. Зиёдулла Валижонов (Тошкент)

60 кг. Илёсбек Сотиболдиев (Фарғона)

+60 кг. Жаҳонгир Жумабоев (Тошкент)

Қизлар (эркин йўналиш)

33 кг. Арофатхон Муҳаммадова (Андижон)

36 кг. Молдир Алимбоева (ҚҚР)

40 кг. Мохирахон Қаххарова (Андижон)

44 кг. Гулзахира Сарсенбаева (ҚҚР)

48 кг. Ўғилой Камолиддинова (Андижон)

52 кг. Севара Сажинова (ҚҚР)

+52 кг. Маржона Кўчимова (Қашқадарё)

Ўғил болалар (эркин йўналиш)

27 кг. Фирдавс Абдуллаев (Тошкент в)

30 кг. Озодбек Аҳмаджонов (Наманган)

33 кг. Шерали Ғуломжонов (Тошкент в)

36 кг. Самандар Солиев ( Фарғона)

40 кг. Диёрбек Исроилов (Бухоро)

44 кг. Палуанияз Давлетяров (ҚҚР)

48 кг. Давлатбек Суюмов (Наманган)

52 кг. Фаёзбек Сотиболдиев (Фарғона)

55 кг. Атабек Жумабоев ҚҚР)

60 кг. Ойбек Юсуфбоев (Наманган)

+60 кг, Хумоюн Камолов (ҚҚР)

Мусобақа якунига етгач, ғолиб ва совриндорлар диплом, медаль ва эсдалик совғалари билан мукофотланишди.

Жавлон МИРЖУМАЕВ, Гулистон ихтисослаштирилган олимпия захиралари мактаб интернатининг белбоғли кураш бўйича бош мураббийи:

- Ғолибликка даъвогар бўлган ёш полвонларнинг кўплиги, мусобақанинг қизиқарли ва муросасиз ўтишини таъминлаб турди. Шогирдларимизнинг медаллар шодасига эга бўлганидан хурсандмиз. Фурсатдан фойдаланиб, мусобақада ҳомийлик қилган, қулай шарт-шароитлар яратиб бергани учун Боёвут туман ҳокимлигига, Ёшлар Иттифоқининг туман бўлимига, Ўзбекистон миллий белбоғли кураш федерацияси ва масъул ташкилотларга полвонлар номидан миннатдорчилик билдирамиз.

Илҳом РАҲМОНОВ тайёрлади