10 авг 10:00
Янгиликлар

Бокс/ММА

Бриггс Поветкин билан музокара олиб бораётгани ва уни нокаут эвазига енгишини айтди

Профессионал бокснинг супероғир вазн тоифасида собиқ жаҳон чемпиони америкалик Шеннон Бриггс собиқ WBA чемпиони россиялик Александр Поветкин билан музокара олиб бораётганини маълум қилди.

Эътиборга молик жиҳати шундаки, иккала боксчи ҳам яқинда допинг можаросига дуч келишган эди.

“Айни пайтда биз Поветкиннинг жамоаси билан музокара олиб боряпмиз. Агар ҳаммаси жойида бўлса, Саша билан жангимиз шу йилнинг ноябрь ёки декабрь ойларида бўлиб ўтади.

Ўйлайманки, бўлажак жангда мен Поветкинни нокаутга учратаман. Александр хоҳласа, жанг унинг юрти Россияда ўтказилади. Мен Москвага келишга тайёрман”, – деди жанжалкаш Бриггс.