06 янв 14:59
Янгиликлар

Теннис

Брисбен (WTA): Плишкова - чемпион!

Австралиянинг Брисбен шаҳрида теннис бўйича йилнинг дастлабки WTA турнири якунланди.

Соврин жамғармаси роппа-роса 1 миллион долларни ташқил қилувчи Brisbane International мусобақасида Каролин Плишкова бош совринга эга чиқди.

Турнирнинг бешинчи ракеткаси бўлган чехиялик теннисчи ҳал қилувчи финал учрашувида украиналик Леся Цуренкони 4:6, 7:5, 6:2 ҳисобида мағлуб этди ва мусобақа ғолибасига айланди.

Плишкова ушбу муваффақиятли иштироки эвазига 188 280 АҚШ доллари ҳамда 470 рейтинг очкосини қўлга киритди. Леся эса финалчи сифатида 100 580 доллар мукофот пули ҳамда 305 рейтинг очкосига эга бўлди.