«Бу аҳмоқлик». Руис Усикнинг Жошуа устидан қозонган ғалабаси ҳақида гапирди

Оғир вазн тоифасида собиқ жаҳон чемпиони Энди Руис собиқ рақиби Энтони Жошуанинг Александр Усикдан учралган мағлубиятига изоҳ берди.

Америкалик боксчи АJнинг жангидан ҳафсаласи пир бўлди

«Мен Энтони кучлироқ бўлади деб ўйлагандим. Жошуа ўрнидан туриб Усикка қаради. У қимирламади, иккинчи жангимиздагидек қилмади. Кейин Жошуа зарба ўтказиб юбормаслик учун қочди. Бу аҳмоқлик, чунки мен Энтони Жошуа Усикни мағлуб қилади деб ўйлагандим. Албатта, кимнидир айблаш мумкин эмас. Ҳар бир жангчи ўзи учун жавобгарликни ўз зиммасига олиши керак. Эҳтимол, Жошуа нотўғри стратегияни танлаган ёки Усикнинг имкониятларини паст баҳолаган. Балки у Усик чап қўл бўлгани учун, услуби ва ҳаракати туфайли ютқазгандир. Нима бўлганда ҳам Усикни табриклайман», - дея Руисдан иқтибос келтиради BoxingNews24.