"Бу ҳақиқий шоу бўлади". Менежер ўзбек ва қозоқ боксчилари ўртасидаги рақобат ҳақида гапирди

"Ҳаваскор боксда шлемлар олиб ташланганидан хурсандман. Бу бизнинг вазифамизни осонлаштиради. Баъзи ҳаваскорлар рингда профессионалдек кўринади. Қозоғистонда ҳам, Ўзбекистонда ҳам бундай боксчилар бор. Рингда ўзбек ва қозоқ боксчилари тўқнаш келадиган бўлса, бу шоуга айланиб кетади. Яхшигина шоу. Мен бир неча марта буни томоша қилганман. Бундай пайтларда боксдан завқланиб кетасан", - деди менежер.

Хабарда шунингдек ушбу жумла ҳам қўшимча қилиб кетилган: "Ушбу терма жамоалар расмий мусобақаларда кўп маротаба тўқнаш келишади. Иорданиядаги лицензион турнирда ҳам ҳар икки мамлакат боксчилари Олимпиада йўлланмаларини тўплашди. Бу сафар қозоғистонликлар барча вазнда лицензия қўлга киритиб, ўзаро курашда ғолиб чиқишди".