"Бу сафар ақл билан ҳаракат қиламан". Двалишвили — Пётр Янга қарши бўлажак жанг ҳақида гапирди

Ушбу жанг 24 октябрь куни Абу-Дабида (БАА) бўлиб ўтадиган UFC 333 турнирида ташкил этилади.

"Ҳозир ғалабага жуда чанқоқман. Менимча, энг муҳими — беш раунд давомида ўзимни яхши кўрсатиш.

Мен ҳар доим қаттиқ машқ қиламан ва жанг келаси ҳафта бўлишини истардим, чунки ҳозир жуда яхши формадаман. Аммо олдинда яна оғир ва самарали машғулотлар турибди. Бироқ энг муҳими — жангнинг ўзи.

Мен ўзимни намоён қилишим, ким эканлигимни кўрсатишим керак. Камарни яна қайтариб олишимга ишонаман. Ўтган сафар техник жиҳатдан жуда агрессив ҳаракат қилишга ва қаттиқ уришишга уринган эдим. Бу сафар эса ақллироқ жанг қиламан.

Камар ҳақида кўп ўйламасликка ҳаракат қиламан, чунки мен учун асосийси — бу жангда ғалаба қозониш. Лекин энди буни эслатганингдан кейин... Камарни иккинчи марта қўлга киритиш янада ёқимли бўларди", — деди Двалишвили.