Бугун Абдумалик "Абби" Ёрбўтаев Арман Царукян билан бир оқшомда жанг ўтказади (ТЎЛИҚ КАРД)

Оқшомнинг асосий беллашуви грэпплинг қоидалари бўйича ташкил этилади ва унда арманистонлик Арман Царукян ҳиндистонлик таниқли блогер ва спортчи Анкит Байянпурияга қарши чемпионлик учун гиламга чиқади. Ушбу баҳс Submission Only қоидалари асосида ўтказилади, яъни ғолиб оғритиш ёки бўғиш усули билангина аниқланади. Ўртага Царукянга тегишли чемпионлик камари қўйилади. Арман ушбу камарни Бразилиядаги турнирда Муҳаммад Мокаевни мағлуб этиши ортидан қўлга киритган эди. 

Грэпплинг қоидалари бўйича иккинчи беллашув яна бир арман жангчиси Лев Саркисян ҳамда ҳиндистонлик Кришан ўртасида ўтказилади. Қолган барча жанглар қўлқопсиз жанглар ва Dirty Boxing қоидалари бўйича ташкил этилади.

Биз учун аҳамиятлиси, бугунги турнирда ҳамюртимиз Абдумалик Ёрбўтаев россиялик Магомед "Веном" Зайналовга қарши қўлқопсиз қоидалар асосида жанг ўтказади. Hype Armenia турнири бугун "Tashir Arena"да бизнинг вақт билан соат 18:00да бошланади.