30 дек 10:16
Янгиликлар

Бокс/ММА

Бугун Арман Царукяннинг Шара Буллетга қарши жанги ўтказилади, мусобақада ўзбекистонлик спортчи ҳам иштирок этади

Арманистоннинг Ереван шаҳрида аралаш яккакурашлар бўйича Hype FC Armenia турнири ташкил этилади.

Оқшомнинг марказий баҳси UFC жангчилари — Арманистон вакили Арман Царукян ва россиялик Шарабутдин Магомедов ўртасида кечади.

Турнир доирасида ўзбекистонлик ММА жангчиси Абдумалик Ёрбўтаев ҳам иштирок этади. Қўлқопсиз жанглар қоидаси бўйича ташкил этиладиган беллашувда Ёрбўтаевга россиялик Максим Соловьёв рақиб бўлади.

Абдумалик Ёрбўтаев профессионал ММА жангчиси сифатида ҳозирга қадар 5 та жангда қатнашиб, 4 ғалаба ва 1 та мағлубият қайд этган. Мусобақа Тошкент вақти билан 16:00 да бошланади.