27 фев 11:49
Янгиликлар

Теннис

Бугун Денис Истомин "Dubai Duty Free Tennis Championshps"даги иштирокини бошлайди

Ўзбекистоннинг биринчи рақамли теннисчиси Денис Истомин бугун Дубайда ўтказилаётган мусобақада кортга чиқади.

Ҳамюртимизга илк даврада россиялик Карен Хачанов рақиблик қилади.
Мукофот жамғармаси 3,057,135 АҚШ долларини ташкил қилувчи ушбу турнир "ATP500" серияли мусобақа ҳисобланади.

Маълумот учун, Денис Истомин бугунги кунда дунё рейтингида 81-ўринни эгаллаб турибди. Карен Хачанов эса 41-поғонадан жой олган. Теннисчилар бунгача бир маротаба тўқнаш келганлар. 2017 йилда Ченнайда ўтказилган мусобақада Истомин рақибини 6:3, 6:2 ҳисобида мағлубиятга учратганди.

Учрашув бугун Тошкент вақти билан соат 18:30дан сўнг бошланади.