Бугун European Open турнири бошланади. Дзюдочиларимиз учун қуръа натижалари

European Open 2022 мусобақасида дунёнинг 37 давлатдан жами 283 (184 эркак, 99 аёл) нафар дзюдочи медаллар учун татамига чиқади. Улар орасида Ўзбекистон аёллар терма жамоасининг 9 нафар вакиласи ҳам бор. 

-52 кг вазн тоифасидаги етакчимиз Диёра Келдиёрова, шунингдек, Севинч Исоқова (-63 кг) ва Гулноза Матниязова (-70 кг) Европа Очиқ чемпионатида иштирок этмайди. Улар Австриядаги машғулотларни давом эттиришади. Кеча ушбу мусобақага қуръа ташлаш маросими бўлиб ўтди.  

Дзюдочиларимиз учун қуръа натижалари:   

-48 кг: Халимажон Қурбонова - Элиса Адрасти (Италия)

-52 кг: Сита Кадамбаева - Роза Гертиас (Венгрия)/Наржемал Омирова (Туркманистон) 

-57 кг: Шукуржон Аминова - Юлия Соммер (Австрия)

-57 кг: Нилуфар Эрмаганбетова - Оливия Гертш (Швейцария)/Майса Пардаева (Туркманистон) 

-70 кг: Шоҳиста Назарова - Ронни Гал (Исроил)/Доня Вос (Нидерландия)

-78 кг: Ирисхон Қурбонбоева - Метка Лобник (Словения)