29 сен 10:14
Янгиликлар

Теннис

Бугун Файзиев Чимкент турнири ғолиблиги учун кортга чиқади

Бугун Қозоғистоннинг Чимкент шаҳрида ўтказилаётган теннис бўйича “Фьючерс” туркумига кирувчи турнир якунланади.

Соврин жамғармаси 15 000 АҚШ долларини ташкил этувчи мусобақада ҳамюртимиз Санжар Файзиев ҳам муваффақиятли иштирок этяпти. Shymkent Open турнирининг биринчи ракеткаси бўлган Файзиев бугун бош мукофот учун кортга чиқади.

Санжарнинг финалдаги рақиби россиялик Александр Игошин бўлади. Бу теннисчининг ярим финалдаги рақиби кортга чиқмаганлиги учун ўйинсиз финалга йўл олганди. Файзиев эса турнирнинг учинчи ракеткаси россиялик Андрей Чепелевни 6:1, 6:3 ҳисобида таслим этган эди.