28 сен 10:23
Янгиликлар

Теннис

Бугун Файзиев Чимкентда финал чиптаси учун кортга чиқади

Қозоғистоннинг Чимкент шаҳрида ўтказилаётган теннис бўйича “Фьючерс” туркумига кирувчи турнир ўзининг ўзининг ҳал қилувчи палласига кирди.

Соврин жамғармаси 15 000 АҚШ долларини ташкил этувчи мусобақада ҳамюртимиз Санжар Файзиев ҳам муваффақиятли иштирок этяпти. Shymkent Open турнирининг биринчи ракеткаси бўлган Файзиев бугун финал чиптаси учун кортга чиқади.

Санжарнинг ярим финалдаги рақиби турнирнинг учинчи ракеткаси россиялик Андрей Чепелев бўлади. Кеча Файзиев 2 соату 22 дақиқа давом этган чорак финал баҳсида турнирнинг олтинчи ракеткаси бўлган россиялик Шалва Жанашияни 3:6, 6:4, 6:4 ҳисобида мағлуб этганди.