11 ноя 16:47
Янгиликлар

Хоккей

Бугун "Ҳумо" Самарада меҳмон бўлади

Бугун Олий хоккей лигаси (ВХЛ)да навбатдаги тур учрашувлари ўтказилади.

Ўтган турда буллитлар сериясига кўра имкониятни бой берган Тошкентнинг "Ҳумо" жамоаси бугун Самарада меҳмон бўлади. Евгений Попихин шогирдлари ЦСК ВВС клубига қарши музга чиқишади.

Бугунги ўйин олдидан "Ҳумо" турнир жадвалида 34 та жамоа орасида 22 очко билан 24-ўринни эгаллаб турибди. ЦСК ВВС клуби эса 24 очко билан роппа-роса 20-поғонадан жой олган. "Ҳумо" - ЦСК ВВС учрашуви Тошкент вақти билан соат 18:00да бошланади.