Бугун жаҳон чемпионатида жамоавий баҳслар ўтказилади. Рақибларимиз маълум!

Ўз тарихида 42-маротаба ташкил этилаётган дунё биринчилигининг яккалик баҳслари якунланиб, унда Ўзбекистон терма жамоаси 5 та олтин, 5 та кумуш, 3 та бронза, жами 13 та медаль билан умумжамоа ҳисобида биринчи ўринни эгаллади. 

Бугун эса жаҳон чемпионатида жамоавий баҳслар ўтказилади. Одатда Олимпиада, жаҳон ва қитъа чемпионатларида аралаш жамоавий беллашувлар ташкил этилади. Ҳарбийлар ўртасидаги жаҳон чемпионатида эса эркаклар ва аёллар ўртасидаги мусобақа алоҳида тарзда ўтказилади. 

Кеча ушбу баҳсларга қуръа ташланди. Ўн етти давлат терма жамоалари қатнашадиган эркаклар ўртасидаги мусобақада Ўзбекистон дзюдочилари туркманистонлик ҳарбийларга қарши татамига чиқишади. Тўққиз терма жамоа қатнашадиган аёллар ўртасидаги турнирда эса қизларимиз илк даврада испаниялик ҳарбий дзюдочилар билан юзма-юз келишади. 

Эркаклар терма жамоамиз:

-66 кг: Артём Штурбабин

-66 кг: Бобур Важиев

-73 кг: Шавкат Саитқулов

-73 кг: Муҳаммад Жумаев

-81 кг: Мусо Собиров

-81 кг: Ҳикматуллоҳ Тўраев

-90 кг: Нурбек Муртазоев 

-90 кг: Шаҳзод Шарипов 

+90 кг: Ўткирбек Тўрабоев

+90 кг: Шоҳруҳ Бахтиёров 

Аёллар терма жамоамиз:

-52 кг: Ҳалимажон Қурбонова

-52 кг: Гулҳаё Жўраева 

-57 кг: Шукуржон Аминова 

-57 кг: Фарангиз Режепова

-63 кг: Нигина Сапарбаева 

-63 кг: Севинч Исоқова 

-70 кг: Фарангиз Ҳожиева

-70 кг: Хуршида Раззоқбердиева 

+70 кг: Ирисхон Қурбонбоева

+70 кг: Умида Ниғматова