07 мар 10:40
Янгиликлар

Теннис

Бугун Жўрабек Россия турнирида чорак финал чиптаси учун кортга чиқади

Теннисчимиз Жўрабек Каримов Россиянинг Алметивск шаҳри мезбонлик қилаётган турнирда иштирок этяпти.

“Фьючерс” туркумига кирувчи ушбу мусобақанинг соврин жамғармаси 15 000 АҚШ долларини ташкил қилади. Жўрабек турнирнинг бешинчи ракеткаси сифатида ҳаракат қилмоқда. Бугун ҳамюртимиз иккинчи давра учрашувида кортга чиқади.

Унинг рақиби россиялик Дмитрий Воронин бўлади. Саралаш мусобақаси орқали асосий тўрга етиб келган бу теннисчи илк босқичда ҳамюрти Дмитрий Минушкиндан 6:0, 6:0 ҳисобида устун келди. Жўрабек эса асосий тўрга имтиёзли йўлланма асосида қўйилган мезбон теннисчи Алексей Захаровни 2:6, 6:4, 6:2 ҳисобида мағлуб этган эди.