07 дек 09:59
Янгиликлар

Бокс/ММА

Бугун Маҳмуд Мурадов Польшада, Мавлуд Тифиев эса Грузияда жанг қилади

Бугун кун давомида ўзбекистонлик икки нафар аралаш яккакураш устаси — Маҳмуд Мурадов ва Мавлуд Тифиев ўзларининг навбатдаги жангларини ўтказади.

UFC собиқ жангчиси Маҳмуд Мурадов бу сафар Польшанинг Лож шаҳрида жанг қилади. Ҳамюртимиз Fame 23 мусобақаси доирасида Шимолий Ирландия вакили, собиқ UFC жангчиси Норман Парк билан тўқнаш келади.

Ўрта вазн тоифасида ташкил этилувчи ушбу тўқнашув 3 раунд этиб белгиланган. Жанг кўргазмали мақомда ўтказилади.

Муай-тай устаси Мавлуд Тифиев эса бу сафар ММА қоидалари бўйича жанг қилади. Грузиянинг Тбилиси шаҳрида ташкил этиладиган IFC 20 турнири доирасида унга франциялик Роббие Гуньяр рақиблик қилади.

Тифиев иштирокидаги турнир Тошкент вақти билан соат 20:00 да бошланади.