28 апр 08:03
Янгиликлар

Дзюдо

Бугун Наманганда Ўзбекистон чемпионати старт олади

Бугун Наманган шаҳридаги "Паҳлавон" спорт мажмуасида дзюдо бўйича ёшлар ўртасидаги Ўзбекистон чемпионати бошланади.

Уч кун давом этадиган мусобақада Қорақалпоғистон Республикаси, барча вилоятлар ҳамда Тошкент шаҳридан келган истеъдодли дзюдочилар Ўзбекистон чемпионлиги учун баҳс олиб боришади. 2001-2002 йилларда таваллуд топган дзюдочилар ўртасида ўтадиган мамлакат чемпионатида ғолиб ҳамда совриндорлар ўғил болалар ва қизлар орасида 7 тадан вазн тоифасида аниқланади.

Кеча Ўзбекистон чемпионатига қуръа ташлаш маросими ўтказилди. Онлайн тарзда ўтган маросимда жами 427 нафар дзюдочи ўзларининг илк рақибларини билиб олишди. Бугун ўғил болалар -60, -66, қизлар эса -48, -52 ва -57 кг вазн тоифаларида татамига чиқишади.