16 мар 12:34
Янгиликлар

Бокс/ММА

Бугун Навбаҳор Ҳамидова жаҳон чемпионлиги учун рингга чиқади

Сербия давлати мезбонлик қилаётган аёллар ўртасидаги Жаҳон чемпионати ўзининг ҳал қилувчи босқичига етиб келди.

Бугун дунё биринчилигида финал жанглари бўлиб ўтади. Ушбу босқичга биргина боксчимиз етиб келган. -66 кг вазнда юртимиз шарафини ҳимоя қилаётган Навбаҳор Ҳамидова олтин медаль учун Токио-2020 Олимпиадаси ва икки карра жаҳон чемпиони туркиялик Бусеназ Сюрменелига қарши рингга кўтарилади.

Худди проф боксда бўлгани сингари боксчилар жангдан бир кун олдин face to face маросимида тўқнаш келишди. Боксчи қизимиз иштирокидаги финал жанги бизнинг вақт билан соат 22:45 га тўғри келмоқда. Ярим финалда мағлубиятга учраган қолган уч боксчимиз жаҳон чемпионатининг бронза медали билан тақдирланади.