15 фев 12:05
Янгиликлар
Бокс/ММА
Бугун нокаутчи боксчимиз Москвада саккизинчи жангини ўтказади
Бугун профессионал боксда фаолиятини муваффақиятли давом эттираётган Шоҳжаҳон Эргашев навбатдаги жангини ўтказади.
Унинг рақиби грузиялик боксчи Рубен Мовсисян бўлади. Кеча боксчилар Москвадаги “Корстон Арена”да тарозидан ўтиш маросимида иштирок этишди.
Шоҳжаҳон роппа-роса 64, Мовсисян эса 64,3 кг тош босди. Бугунги жанг 10 раундга мўлжалланган.
21 февраль куни 26 ёшга тўладиган Рубен анча тажрибали боксчи ҳисобланади. У 23та жангда зафар қучган. Шулардан 16та жангини нокаут билан якунлаган. Мағлубиятлар сони 16та, дуранг эса биттани ташкил этади.
Бугунги жанг Шоҳжаҳон учун фаолиятидаги саккизинчиси бўлади. Эргашев бундан аввал ўтказган барча жангларида рақибларини муддатидан аввал нокаут эвазига мағлубиятга учратган.
Ҳавола :
Манба : olamsport.com
Фикрлар