02 сен 09:55
Янгиликлар

Теннис

Бугун Омонмуродова Алматидаги турнир финалида ўйнайди

Бугун Қозоғистоннинг Алмати шаҳрида теннис бўйича “Фьючерс” туркумига кирувчи турнир якунига етади.

Соврин жамғармаси 25 000 АҚШ долларини ташкил қилувчи мусобақанинг яккалик баҳслари финал учрашувида ҳамюртимиз кортга чиқади. Оқгул Омонмуродова бош мукофотни қўлга киритиш учун уриниб кўради. Унинг рақибаси россиялик Полина Лейкина бўлади.

Турнирда бешинчи рақам остида таснифланган Лейкина ярим финалда собиқ ҳамюртимиз, ҳозирда Исроил давлати шарафини ҳимоя қилаётган Влада Якшибаровани 6:3, 6:1 ҳисобида мағлуб этди. Оқгул эса ярим финалда турнирнинг саккизинчи ракеткаси грузиялик Екатерина Горгодзедан 7:5, 6:2 ҳисобида устун келди.