02 авг 15:16
Янгиликлар
Шахмат
Бугун Синдаров Grand Chess Tour: Saint Louis Rapid & Blitz 2026 турниридаги иштирокини бошлайди
2-7 август кунлари АҚШнинг Сент-Луис шаҳрида мукофот жамғармаси 200 000 долларни ташкил этувчи, жаҳоннинг кўзга кўринган 10 нафар гроссмейстери иштирокидаги Grand Chess Tour сериясининг навбатдаги босқичи ўтказилади.
Ушбу нуфузли турнирда ҳамюртимиз Жавоҳир Синдаров ҳам дона суради. У бугун 1-турда оқ доналарда нидерландиялик дуранглар қироли Аниш Гирига қарши баҳс олиб боради. Партиялар бизнинг вақт билан соат 22:00да бошланади.
Учрашувлар рапид ва блиц йўналишларида ташкил этилади. Рапидда вақт назорати 25+10, блицда эса 5+2 форматида бўлиб ўтади.
Иштирокчиларнинг тўлиқ таркиби: Жавоҳир Синдаров (Ўзбекистон), Фабиано Каруано, Левон Аронян, Уэсли Со, Леньер Домингес, Авондер Лианг (барчаси АҚШ), Винсент Кеймер (Германия), Аниш Гири, Йорден ван Форест (иккиси ҳам Нидерландия), Рамешбабу Праггнанандҳа (Ҳиндистон).
Ҳавола :
Манба : uzchess
Фикрлар