17 фев 08:57
Янгиликлар

Дзюдо

Бугун Тел-Авив "Катта Дубулға" турнирида 3 нафар дзюдочимизга мухлислик қиламиз

Теглар : Тель-Авив Катта Дубулға Ўзбекистон

Бугун Исроилнинг Тел-Авив шаҳрида "Катта Дубулға" туркумига кирувчи, умумий мукофот жамғармаси 154 000 АҚШ долларини ташкил этувчи турнир старт олади.

"Шломо Арена"да ўтувчи мусобақада 34 давлатдан жами 298 (165 эркак, 133 аёл) нафар дзюдочи медаллар ҳамда рейтинг очколари учун беллашади. Бугун аёллар -48, -52, -57 кг, эркаклар эса -60 ва -66 кг вазн тоифаларида медаллар йўлида татамига чиқадилар. Бугунги баҳсларда юртимиз шарафини уч нафар дзюдочимиз ҳимоя қилади.

Бугун татамига чиқадиган дзюдочиларимиз:

-52 кг: Диёра Келдиёрова - Салтанат Султанбекова (Қозоғистон)

-60 кг: Мирзоҳид Муҳаммаджонов - Иракли Купатадзе (Грузия)

-66 кг: Бобур Ваджиев - Ярин Менагед (Исроил)