Бугун Тошкентда Осиё Кубоги бошланади + ФОТО

Тўрт кун давомида ўтказиладиган ўсмирлар ва ёшлар ўртасидаги ушбу Осиё Кубогида юртимиз дзюдочиларидан ташқари Озарбайжон, Грузия, Тожикистон, Қирғизистон ва Қозоғистон давлатларидан келган жами 500 нафарга яқин истеъдод эгалари татамига чиқади.

Кеча мусобақага қуръа ташлаш маросими бўлиб ўтди. Шунингдек, бугун 8 та вазнда татамига чиқадиган ўсмирлар учун вазн ўлчаш маросими ҳам ташкил этилди. Бугун мусобақанинг биринчи куни қизларда -40, -44, -48, -52, -57, ўсмирларда эса -50, -55 ва -60 кг вазн тоифаларида ғолиб ҳамда совриндорлар номи маълум бўлади. 

Ҳар кунги саралаш беллашувлари соат 10:00, медаллар учун кечадиган финал баҳслари эса 17:00да бошланади.