25 авг 17:19
Янгиликлар

Бошқалар

Спорт вазири ўринбосари "Содиқ хизматлари учун" медали билан тақдирланди

Ўзбекистон Республикаси Президентининг "Ўзбекистон Республикаси мустақиллигининг ўттиз тўрт йиллиги муносабати билан давлат хизматчилари ҳамда ишлаб чиқариш ва ижтимоий-иқтисодий соҳалар ходимларидан бир гуруҳини мукофотлаш тўғрисида"ги Фармони қабул қилинди.

Унга кўра, Ўзбекистон Спорт вазири ўринбосари Мурод Исмаилов "Содиқ хизматлари учун" медали билан тақдирланди.

Бундан ташқари, Ўзбекистон Республикаси Қурилиш ва уй-жой коммунал хўжалиги вазири, мамлакат оғир атлетика федерацияси раиси Шерзод Хидоятов "Ўзбекистон Республикасида хизмат кўрсатган қурувчи" фахрий унвонига лойиқ кўрилди.