Бугун Тунис Гран-Приси бошланади, дзюдочиларимизнинг илк рақиблари

Пойтахт Тунис шаҳридаги El Menzah Sports Hall аренаси Гран-При туркумига кирувчи ушбу турнирга мезбонлик қилади. Тунис Гран-Присида дунёнинг 50га яқин давлатидан 430 нафар дзюдочи жами 14та вазн (7 нафардан эркаклар ва аёллар) тоифасида татамига чиқади.

Табиийки, улар орасида ўзбекистонлик дзюдочилар ҳам бор. Бугун -66 кг вазн тоифасидаги вакилимиз Шаҳрам Аҳадов словакиялик Андраз Жеребга қарши татамига чиқади. -73 кг вазндаги Мирзоҳид Фармонов эса Босния ва Герцеговиния спортчиси Седрич Бесси билан тўқнаш келади.

20 ёшли Давлат Бобонов (-81 кг) илк даврада тунислик Абдулазиз Бен Аммарга қарши баҳс олиб боради. Шермуҳаммад Жандреев (-90 кг) британиялик Фрейзер Чемберлейн, Ихтиёр Холмуродов (+100 кг) эса қозоғистонлик Санжар Жабборов билан беллашади.

Қизларимиздан эса Гулнур Муратбаева ва Диёра Келдиёрова медаллар йўлида баҳсларга киришишади. Ҳар икки спортчи қизимиз ҳам -48 кг вазн тоифасида ўз имкониятини синовдан ўтказади. Диёра тунислик Олфа Саоудига, Гулнур эса тунислик Чайма Ҳалфаоуига қарши татамига чиқади.