15 май 16:22
Янгиликлар

Бокс/ММА

БУММ! Рамазон Темиров UFC чемпионлиги учун собиқ даъвогар билан жанг қилади, рақиб топ-10дан!

Ҳамюртимиз Рамазон Темировнинг навбатдаги жанги бўйича маълумотлар тарқалди.

Темиров Instagram саҳифаси орқали 25 июль куни Абу-Даби мезбонлик қиладиган UFC Fight Night турнирида қатнашиши, жанг учун шартномага имзо чеккани, рақиб эса тез орада расман эълон қилинишини айтди.

Хорижий ОАВларнинг маълум қилишича, Рамазонга Абу-Дабидаги турнирда австралиялик Стив Эрцег рақиб бўлади. У ўта енгил вазн тоифаси UFC рейтингида 10-ўринни эгаллаб турибди.

Стив фаолияти давомида ҳозиргача 18 та жанг ўтказиб, 14 та ғалаба ва 4 та мағлубият қайд этган. 30 яшар спортчи 2024 йил май ойида бразилиялик Александр Пантожага қарши чемпионлик жангида қатнашиб, мағлуб бўлганди.

Рамазон Темиров ҳисобида эса 19 та ғалаба ва 3 та мағлубият бор.