03 июл 17:21
Янгиликлар
Бокс/ММА
"Буни ҳеч қачон унутмайман". Жон Жонс — Хабиб Нурмагомедовнинг отаси ҳақида гапирди
UFC собиқ чемпиони Жон Жонс Хабиб Нурмагомедовнинг отаси ва мураббийси Абдулманап Нурмагомедовнинг йиллар аввал айтган сўзлари ҳали ҳам фаолиятидаги энг муҳим эътирофлардан бири бўлиб қолаётганини тан олди.
Ўшанда Абдулманап америкалик жангчини "Яратганнинг туҳфаси" деб атаган эди.
"Ўша видеони кўрганман. Мен ярим оғир вазнда жанг қилаётган пайтимда у шу сўзларни айтган эди. Буни ҳеч қачон унутмайман. Ҳамма ҳурмат қиладиган инсондан бундай мақтов эшитиш мен учун катта шараф. Ўзининг ким эканини исботлаб берган инсондан. Ростини айтсам, унинг сўзларига ишонаман.
Бу мен учун янада катта аҳамиятга эга, чунки мен христианман, у эса мусулмон эди. Унинг мен ҳақимда шундай фикрда бўлгани кўп нарсадан далолат беради. Бу ҳақиқатан ҳам кўп нарсани англатади", — деди Жонс Red Corner MMA’га берган интервьюсида.
Ҳавола :
Манба : Red Corner MMA
Фикрлар