21 апр 16:27
Янгиликлар

Теннис

Бухоро “Фьючерс”. Бош соврин Японияга кетади

Бухоро шаҳридаги “Дилкушо” спорт мажмуасида теннис бўйича “Фьючерс” туркумига кирувчи турнир якунланди.

Соврин жамғармаси 25 000 АҚШ долларини ташкил қилувчи мусобақанинг яккалик баҳсларида бугун финал учрашуви бўлиб ўтди. Бош соврин учун кортга япониялик Хироки Мория ҳамда россиялик Евгений Тюрнев чиқишди.

Турнирнинг биринчи ракеткаси бўлган Мория тўртинчи рақам остида ҳаракат қилган рақибини ортиқча қийинчиликсиз 6:0, 6:1 ҳисобида мағлуб этиб, бош соврин соҳибига айланди.

Эслатиб ўтамиз, ҳамюртларимиздан асосий тўрга имтиёзли йўлланма асосида қўйилган Ҳумоюн Султонов чорак финалда айнан Тюрневга 4:6, 2:6 ҳисобида ютқазганди. Санжар Файзиев эса чорак финалда иккинчи рақам остида ҳаракат қилган россиялик Константин Кравчукка 2:6, 6:3, 2:6 ҳисобида имкониятни бой берган эди.