12 дек 16:17
Янгиликлар

Токио-2020, Олимпия ўйинлари

Буюк Британия Россияни 4 йилга тўлалигича спортдан четлатишни талаб қилмоқда

Россия спорти осмонида қора булутлар сузишда давом этяпти.

Хабарингиз бор, Россия терма жамоаси Халқаро олимпия қўмитаси томонидан Токио-2020 Олимпиасидан четлатилган эди. Буюк Британия Миллий олимпия қўмитаси раҳбари Хью Робертсон Daily Mail нашрига берган интервьюсида Россияни камида тўрт йилга тўлалигича спортдан четлатишга чақирди.

"Кетма-кет учта Олимпиадада тизимли равишда допинг қабул қилиш халқаро олимпия ҳаракати учун иснод. Биз Россияга Токио-2020 олдидан жиддийроқ жазо тайинланишини талаб қиламиз. Пхёнчхан-2018 Қишки олимпия ўйинларида биз русларга қарши курашдик. Ўшанда улар бошқа ном остида иштирок этишганди. Жазо олишига қарамай, россияликлар қора ишларини амалга оширишда давом этишди. Уларда Халқаро олимпия оиласига ҳеч қандай ҳурмат йўқ", - деди Робертсон.