20 июн 17:53
Янгиликлар

Бокс/ММА

Царукян Адесаньяга "ответ" қилди: "Ичкиликдан кўра стрим қилиш яхшироқ"

Енгил вазн UFC рейтингида иккинчи ўринни эгаллаб турган Арман Царукян россияликни спорт залида маҳоратини ошириш ўрнига блогерлар билан кўп вақт ўтказаётгани учун танқид қилган ташкилотнинг ўрта дивизион собиқ чемпиони Исраил Адесаньяга жавоб қайтарди.

"Менга жанг тайинланганида, залга ётиб оламан. Ҳозир менинг жангим йўқ, шунинг учун дам олишим ва ҳаётдан завқланишим мумкин. Бу ичкиликдан яхшироқ, Адесанья. Ҳа, ичишдан кўра стрим қилиш яхшироқ", - деди Арман Нина Драма билан суҳбатлашар экан.

Арман Царукян сўнгги жангини ўтган йилнинг ноябрь ойида ўтказиб, иккинчи раундда янги зеландиялик Ден Хукерни қўл учбурчаги усулида бўғиб қўйди. Ўшандан кейин у асосан RAF профессионал кураш лигасидаги чиқишлари ва ижтимоий тармоқлардаги фаол фаолияти билан машғул бўлмоқда.

Хабарларга кўра, Царукян шу йилнинг сентябрь ойида октагонга қайтиши ва BMF камари соҳиби бразилиялик Чарльз Оливейра билан реванш жанги ўтказиш мумкин.