Cауль Альварес Golden Boy раҳбарияти билан учрашди

Учрашувда қандай масалалар кўтарилгани маълум эмас. Лекин Golden Boy президенти Эрик Гомес бу борада фикр билдириб, шартномани бекор қилиш бўйича ҳеч қандай гап-сўз бўлмаганини айтган. 

- Канело билан муносабатларимиз аввалгидек. Бу борада ҳеч қандай муаммо йўқ. Одамлар асоссиз маълумотларни тарқатиш билан овора бўляптилар. Биз Канело учун унинг фаолиятидаги энг яхши жангни ташкил қилиш бўйича иш олиб боряпмиз. Унинг кетиши биз учун катта йўқотиш бўладими? Ҳа, шубҳасиз. Чунки, бокс оламида Саулдек савияли боксчи йўқ, - дея Гомеснинг сўзларидан иқтибос келтирмоқда Yahoo Sports. 

Эслатиб ўтамиз, ўтган ҳафта Альварес украиналик Сергей Деревянченко билан жанг амалга ошмай қолгани учун Golden Boy компаниясидан норози бўлганди. Жанг амалга ошмагани сабабли унга тегишли IBF чемпионлик камари вакант бўлиб қолган эди.