20 дек 16:39
Янгиликлар

Қишки спорт турлари

Чанғичимиз халқаро мусобақада совриндор бўлди

14-18 декабрь кунлари Туркиянинг Пландокен шаҳрида тоғ чанғиси бўйича “FIS ALPINE ANATOLIAN CUP” халқаро мусобақаси бўлиб ўтди.

Қирғизистон, Қозоғистон, Ўзбекистон, Туркия, Косово, Украина, Покистон, Эрон, Марокаш, Шарқий Тимор терма жамоалари вакиллари иштирок этган мусобақада ҳамюртларимиз ҳам муваффақиятли иштирок этишди.

Турнирда мамлакатимиз шарафини Пхёнчхан-2018 қишки Олимпия ўйинлари ва Жаҳон кубоги босқичларида иштирок этган Комилжон Тўхтаев ҳамда Лозанна-2020 ўсмирлар қишки Олимпиадаси қатнашчиси Валерия Ковалёва ҳимоя қилишди. Қувонарлиси, Комилжон Тўхтаев слалом йўналишларида кечган беллашувларда 1 та кумуш ва 2 та бронза медалларини қўлга киритди.