Чарльз Оливейра Оқ уйдаги турнирида Макгрегор билан жанг қилмоқчи

"Мерос ҳақида гапирар эканман, агар Оқ уйдаги турнирда жанг қилиш имкони бўлса, бу улкан воқеа бўларди. Нима учун улар у ерда катта жанг ташкил қилмаслиги керак? Бу ажойиб бўларди. Барча жангчилар у ерда жанг қилишни хоҳлайди деб ўйлайман. Агар мен керак бўлсам, UFC учун тайёрман.

Қаршимда ким бўлиши мумкин? Ҳатто айтгим ҳам келмайди (кулади). Ҳамма билади — бу мен ва Макгрегор жангидир.

Нима учун у билан? Албатта, пул учун (кулади). Мен бу ердаги энг ростгўй одамман. Менинг ҳикоям уйдирма эмас — қандай бўлса, шундай. Гапириш услубимни ўзгартирмайман.

Нега Конор билан жанг қилишни хоҳлаяпман? Молиявий сабабга кўра. Бу қанча пул олиб келади деб ўйлайсиз? Катта миқдорлар. Биз катта пул ҳақида гапиряпмиз. Нега? Сабаби шунда.

Бу у кимни мағлуб этгани ёки нима қилгани ҳақида эмас. У мен ҳақимда ёмон гап сўзламаган. Аксинча, мен ҳам у ҳақида яхши фикрдаман. У жанг санъати тарихига кирган, буюк рақибларни енгган. Унинг ўз услуби бор эди. Бу услуб унга катта пул, машҳурлик ва спортимиз учун фойда келтирди.

Нега у билан жанг қилишни хоҳлаяпман? Чунки бу менга катта пул олиб келади — ҳақиқат шунда. Менда унга қарши бошқа ҳеч нарса йўқ", — деди Оливейра.