Чел Соннен Ислам Махачевнинг жангларига қизиқиш йўқлигини тушунтирди

Унинг айтишича, интрига йўқлиги сабабли Исламнинг жанглари аудиториянинг эътиборни UFC раҳбарлари кутганидек тортмаяпти.

"Мен ҳозир Ислам жанглари атрофида қандайдир шов-шув бор деб ўйламайман. Ҳа, Махачев буюк жангчи. У шундай буюклик даражасига етдики, унга кимдир тенглашишига ишониш қийин. Агар кимдир буни қила олишига ишона олмасангиз, жангга қизиқиш уйғота олмайсиз", - деди "Америкалик гангстер" ўз подкастининг навбатдаги сонида.

Ярим ўрта вазн тоифасида UFC чемпиони Ислам Махачев ташкилотнинг вазн тоифасидан қатъи назар энг яхши жангчилари рейтингида етакчилик қилмоқда ва жорий йилнинг август ойида ўз камарини ҳимоя қилади.

Россияликка қарши жанг ўтказиши мумкин бўлган номзодлар рўйхатига ирландиялик Йен Мачадо Гарри, эквадорлик Майкл Моралес ва нигериялик Камару Усман киритилган.