"Челси" Беннасер учун 40 миллион евро таклиф қилмоқчи

Альфредо Педулланинг сўзларига кўра, 25 ёшли жазоирлик футболчининг "Сан-Сиро"даги келажаги ноаниқлигича қолмоқда. 

Ярим ҳимоячининг амалдаги шартномаси 2024 йилнинг июнида якунига этади. Футболчининг янги агенти Энцо Райола келаси ҳафта "россонери" техник директори Паоло Мальдини билан келишувни узайтириш борасида музокара олиб бориши кутилмоқда.

Миланликлар Беннасернинг аввалги агенти Мусса Сиссоко билан келишувга эриша олмаганди. Футболчи бир мавсумлик маоши камида 4 миллион еврога оширилса, янши битимга имзо чекишга тайёр.

Педулланинг таъкидлашича, Беннасерга "Ливерпул"дан қизиқиш борлиги ҳақида миш-мишлар бўлган, аммо аниқ маълумотлар йўқ. Аммо "Челси" ярим ҳимоячига жиддий қизиқиш билдирмоқда. Лондон клуби январь ойида Беннасер учун 40 миллион евро таклиф қилмоқчи. 

Беннасер жорий мавсум "Милан" сафида барча турнирларда 21 та ўйинда майдонга тушиб, 1 та гол урди ва 1 та голли узатмани амалга оширди.