17 май 13:17
Янгиликлар
Футбол
"Челси"нинг асосий футболчиси ёзда жамоани тарк этади
Каталон журналисти Жота Жорди "Челси" ҳимоячиси Марк Кукурелья бу ёзда Испанияга қайтишини маълум қилди.
Жорди маълумотларига кўра, душанбадан бошлаб "Барселона" ўйинчи атрофидагилар билан музокараларни бошлайди. Журналист Кукурелья Лондонда 1000% қолиши мумкин эмаслигини ва фаолиятини Испанияда давом эттиришини таъкидлади. Унга "Барселона" ва "Атлетико" қизиқиш билдирмоқда.
Кукурелья "Барселона" тарбияланувчиси ҳисобланади, у Испанияда "Эйбар" ва "Хетафе"да ҳам ўйнаган, "Челси"га эса "Брайтон"дан ўтган.
Ҳимоячи жорий мавсум 48 та учрашувда майдонга тушди. Унинг ҳисобида 1 та гол ва 4 та ассист бор. Футболчининг "Челси" билан тузган шартномаси 2028 йилнинг ёзигача мўлжалланган. Трансфермаркт нашри испанияликни 50 миллион еврога баҳолаган.
Ҳавола :
Манба : The Sun
Фикрлар