26 июн 10:23
Янгиликлар

Бокс/ММА

Чемпион Илия Топуриянинг кейинги жанги ҳақида маълумот берилди

Таниқли журналист ва инсайдер Ариэль Хельвани чемпион Илия Топуриянинг навбатдаги жанги ҳақида хабар берди.

"Октябрь ойида Ютада ўтадиган UFC 307 турнирида Топурия Макс Холлоуэйга қарши октагонга чиқади", — деди Хельвани Yardbarker порталига берган интервьюсида.

Эслатиб ўтамиз, Илия Топурия 18 февраль куни АҚШнинг Анахайм шаҳрида ўтган UFC 298 турнирида Александр Волкановскини мағлуб этиб, австралиялик чемпионнинг камарини тортиб олганди. Топурия иккинчи раундда номдор рақибини нокаутга учратган эди. Мағлубият нималигини билмай келаётган Илия 15 та жангда ғалаба қозонган.